Braziliyalik UFC jangchisi Bruno Silva 30-mart kuni, Atlantik Sitida bo‘lib o‘tgan Kris Uaydman bilan jangdan so‘ng ko‘rishdagi muammolari haqida gapirdi.
“Uaydman ikki ko‘zimga ham qattiq zarba berdi va tekshiruv shuni ko‘rsatdiki, bir ko‘zimning ko‘rish qobiliyati 30 foizga kamaygan. Ammo shifokorlar buni doimiy emas, qayta tiklash mumkin, deyishmoqda. Aniqroq prognoz uchun kelasi hafta klinikaga qaytishim kerak”, — deya Silva so‘zlarini keltiradi MMA Fighting.
Jang uchinchi raundda Uaydmanning g‘alabasi bilan yakunlangan. Dastlab g‘alaba texnik nokaut deb e’lon qilingan edi, keyin esa natija qayta ko‘rib chiqildi. Jang tugashiga bir necha soniya qolganida Uaydman Silvaning ko‘ziga qattiq zarba berdi, bu jang natijasini ko‘rib chiqish uchun sabab bo‘lgan va hakamlarning bir ovozdan texnik qarori bilan amerikalik jangchi g‘alaba qozongan.
Izoh (0)