“Tolibon” Isroilning Damashqdagi Eron konsulligiga hujumini xavfsizlikka tahdid yaratishga qaratilgan provokatsion harakat, deb atadi va uni qoraladi. Bu haqda Aamaj News xabar berdi.
-DX-SpBb-.jpg)
“Tolibon” dunyo va mintaqaning nufuzli davlatlarini Isroilning G‘azo va undan tashqaridagi “jinoyatlari”ning oldini olishga chaqirdi.
“Isroil rejimi jinoyatlarining davom etishi bir tomondan jahon mintaqasi xavfsizligi uchun jiddiy tahdidga aylangan bo‘lsa, ikkinchi tomondan xalqaro qonunlar va tashkilotlarning ta’sirchanligi borasida jiddiy savollar tug‘dirdi”, — dedi Afg‘oniston tashqi ishlar vaziri matbuot kotibi Abdul Qahar Balxiy.
Isroil 1-aprel tunda Damashqdagi Eron konsulligini nishonga oldi. Eron tashqi ishlar vaziri Husayn Amir Abdullahiyon mazkur hujum munosabati bilan Amerika javobgarlikka tortilishi kerakligini aytdi. Hujum oqibatida 2016-yilgacha Livan va Suriyadagi “Quds” elita kuchlariga rahbarlik qilgan Eron harbiy maslahatchisi general Muhammad Rizo Zohidiy, uning o‘rinbosari general Muhammad Hodi Hoji Rahimiy va yana besh eronlik zobit ham halok bo‘ldi.
Eron rasmiylari Isroilning F-35 harbiy samolyotlari konsullik binosini bir necha raketa bilan nishonga olganini aytdi. Tehron hujum xalqaro qoidalarni, xususan, 1961-yilgi diplomatik munosabatlar to‘g‘risidagi Vena konvensiyasini qo‘pol ravishda buzishini bildirib, xalqaro hamjamiyat va Birlashgan Millatlar Tashkilotidan buni keskin qoralashni so‘radi.
Izoh (0)