Isroil harbiylari 2-aprel kuni G‘arbiy Sohil hududida reyd o‘tkazib, 40 nafar mahalliy falastinlikni hibsga olgan. Bu haqda Al Jazeera nashri xabar bergan.
Noqonuniy hibsga olishlar haqida dastlab hibsga olinganlar ishlari bo‘yicha komissiya va Falastin asirlari jamiyati xabar bergan. Hibsga olinganlar orasida bolalar va sobiq mahkumlar ham borligi aytiladi.
Manbaga ko‘ra, hozirda Isroil tomonidan hibsga olingan jami falastinliklar soni 9312 nafarga yetgan. HaMoked isroillik huquq tashkilotiga ko‘ra, Isroil mahbuslar xizmati qamoqdagi falastinliklar haqidagi so‘nggi maʼlumotlarini eʼlon qilgan. Unda aytilishicha, hibsdagilarning 40 foizi sudsiz maʼmuriy hibsda saqlanmoqda.
Falastin maʼmuriyati Isroilga o‘tkazilayotgan reydlar yuzasidan bir necha bor norozilik kayfiyatini bildirgan. Isroil bu harakatlarini hududdagi fuqarolari xavfsizligini taʼminlash deya baholagan.
Izoh (0)