Исроил ҳарбийлари 2 апрель куни Ғарбий Соҳил ҳудудида рейд ўтказиб, 40 нафар маҳаллий фаластинликни ҳибсга олган. Бу ҳақда Al Jazeera нашри хабар берган.
Ноқонуний ҳибсга олишлар ҳақида дастлаб ҳибсга олинганлар ишлари бўйича комиссия ва Фаластин асирлари жамияти хабар берган. Ҳибсга олинганлар орасида болалар ва собиқ маҳкумлар ҳам борлиги айтилади.
Манбага кўра, ҳозирда Исроил томонидан ҳибсга олинган жами фаластинликлар сони 9312 нафарга етган. HaMoked исроиллик ҳуқуқ ташкилотига кўра, Исроил маҳбуслар хизмати қамоқдаги фаластинликлар ҳақидаги сўнгги маълумотларини эълон қилган. Унда айтилишича, ҳибсдагиларнинг 40 фоизи судсиз маъмурий ҳибсда сақланмоқда.
Фаластин маъмурияти Исроилга ўтказилаётган рейдлар юзасидан бир неча бор норозилик кайфиятини билдирган. Исроил бу ҳаракатларини ҳудуддаги фуқаролари хавфсизлигини таъминлаш дея баҳолаган.
Изоҳ (0)