Ukrainaga yordam berish to‘g‘risidagi qonun AQSH Kongressida 9-apreldan keyin ovozga qo‘yiladi, deya taklif qilmoqda respublikachilar. Bu haqda BBC xabar berdi.
Respublikachilar partiyasining ikki a’zosi jurnalistlarga AQSH Kongressi spikeri Mayk Jonson Amerikaning Ukrainaga yordami to‘g‘risidagi qonun loyihasini 9-apreldan keyin ovozga qo‘yish niyatida ekanligini ma’lum qilgan.
Yana bir respublikachi, Nyu York vakili Mayk Loulerning CNN telekanaliga aytishicha, Jonson uni qonun loyihasi tez orada ko‘rib chiqilishiga ishontirgan.
Men u bilan bevosita gaplashdim. Suhbatning tafsilotlarini ochiqlamayman, lekin ishonchim komilki, Jonson qonunni muhokamaga tortadi, — dedi Kongress a’zosi.
Amerika OAVga ko‘ra, Kongress Ukrainaga yordamni qanday shaklda tasdiqlashi hali aniq emas.
AQSH tomonidan Ukraina, Isroil va Tayvanga umumiy qiymati 95 milliard dollarlik yordam ko‘rsatish to‘g‘risidagi qonun loyihasi allaqachon Senat tomonidan ma’qullangan, biroq u sobiq prezident Donald Tramp tarafdorlari va ularning tayinlangan spikeri Mayk Jonsonning pozitsiyasi tufayli Vakillar palatasida to‘sib qo‘yilgan.
Ukraina va G‘arb rasmiylari AQSH harbiy yordamining kechikishi Ukrainaning jang maydonidagi pozitsiyasiga allaqachon zarar yetkazayotganini tan olgan.
Izoh (0)