Farg‘ona viloyatida kreditini to‘lolmagan fuqaroning Tracker’i auksionga chiqarildi. Bu haqda MIB axborot xizmati “Daryo”ga xabar berdi.
Aytilishicha, Byuroning Farg‘ona shahar bo‘limi ish yurituvida bo‘lgan fuqarolik sudining ijro hujjatiga asosan N.R.dan bank foydasiga 261 125 000 so‘m kredit qarzini undirish belgilangan.
Qarzdor tomonidan sud qarorining ijrosi ixtiyoriy muddatda ta’minlanmagani sababli, davlat ijrochisi tomonidan olib borilgan majburiy ijro harakatlari davomida garovga qo‘yilgan Tracker 27-mart kuni xolislar ishtirokida xatlanib, jarima maydoniga olib kirilgan.
Hozirda ushbu xatlangan mulk auksion savdolariga qo‘yilgan va qarzdor ogohlantirilgan. Avtotransport 200 mln 300 ming so‘m miqdorida baholangan.
Izoh (0)