Фарғона вилоятида кредитини тўлолмаган фуқаронинг Tracker’и аукционга чиқарилди. Бу ҳақда МИБ ахборот хизмати “Дарё”га хабар берди.
Айтилишича, Бюронинг Фарғона шаҳар бўлими иш юритувида бўлган фуқаролик судининг ижро ҳужжатига асосан Н.Р.дан банк фойдасига 261 125 000 сўм кредит қарзини ундириш белгиланган.
Қарздор томонидан суд қарорининг ижроси ихтиёрий муддатда таъминланмагани сабабли, давлат ижрочиси томонидан олиб борилган мажбурий ижро ҳаракатлари давомида гаровга қўйилган Tracker 27 март куни холислар иштирокида хатланиб, жарима майдонига олиб кирилган.
Ҳозирда ушбу хатланган мулк аукцион савдоларига қўйилган ва қарздор огоҳлантирилган. Автотранспорт 200 млн 300 минг сўм миқдорида баҳоланган.
Изоҳ (0)