Sandro Tonali o‘yinlarga pul tikish qoidalarini buzganlik uchun yangi ayblovlarga duch kelmoqda.
Angliya futbol assotsiatsiyasi “Milan” klubidan 70 million yevro miqdoridagi pul evaziga “Nyukasl”ga o‘tgan yarim himoyachini 2023-yilning 12-avgustidan 12-oktyabrigacha bo‘lgan muddat ichida 50 bor turli o‘yinlarga pul tikkanlikda aybladi. Xabar qilinishicha, italiyalik futbolchi ayblovlarga 5-aprelgacha javob berishi kerak.
Eslatib o‘tamiz, o‘tgan yilning oktyabr oyida Tonalining “Milan”da o‘ynagan vaqtlarida pul tikib kelgani aniqlangan va shu sabab futbolchi 10 oyga o‘yinlardan chetlatilgan edi. Sandro qimor o‘yinlariga qaramlikdan aziyat chekayotganini tan olgan va 8 oylik davolanish kursidan o‘tishi kerak bo‘lgan.
Izoh (0)