Hibsdan vaqtincha ozod etilgan Dani Alves tonggacha ziyofat uyushtirdi.
Dushanba, 25-mart kuni zo‘rlashda ayblanib 4,5 yilga qamalgan “Barselona”ning sobiq yarim himoyachisi hukm yakuniy kuchga kirgunga qadar 1 million yevro garov evaziga qamoqdan ozod etilgan edi. Shu bilan birga, Alvesning pasporti olib qo‘yildi va u har hafta sudga hisobot berishi kerak bo‘ladi.
TyC Sports nashrining Telecinco nashriga tayanib xabar berishicha, Alvesning Barselonadagi uyi yaqinidagi restoranda kechki ovqatdan so‘ng, futbolchining otasining tug‘ilgan kuni munosabati bilan ertalab soat beshgacha davom etgan ziyofat bo‘lib o‘tgan.
Mundo Deportivo xabariga ko‘ra, kechada Alvesning bir nechta do‘stlari bo‘lgan. OAV nazariga tushmaslik uchun ular taksida kapyushon kiygan holatda kelgan.
Izoh (0)