Zlatan Ibrahimovich 8 oy deganda ilk bor “Milan”ning umumiy guruh mashg‘ulotlarida ishtirok etdi 

“Milan” hujumchisi Zlatan Ibrahimovich mashg‘ulotlarga qaytdi.

41 yoshli futbolchi mashg‘ulotlarining bir qismini umumiy guruhda o‘tadi. “Rossoneri” A Seriyaning navbatdagi turidan o‘rin olgan “Inter”ga qarshi uchrashuvga tayyorlanmoqda.

Zlatan 8 oydan buyon jamoa bilan mashg‘ulotlarda ishtirok etmayotgandi. Ibrahimovich so‘nggi bor 2022-yil 22-mayda maydonga tushgan edi.

Shundan so‘ng shvetsiyalik hujumchi tizzasidan jarrohlik amaliyotini boshidan o‘tkazgandi.