Samarqand viloyatida 22 yoshli kelin o‘zini 7-qavatdan tashlab vafot etdi. Bu haqda “Zamon” informatsion dasturida maʼlum qilindi.
Xabarga ko‘ra, holat 20-mart kunning ikkinchi yarmida sodir bo‘lgan. 7-qavatdan asfalt ustiga tushgan ayol olgan tan jarohatlari sababli shifoxonaga olib ketilayotganda vafot etgan. Aytilishicha, ayol bu mahallada yashamagan.
22 yoshli kelin asli Nurobod tumanidan bo‘lib, vaqtinchalik qaynopasining uyida 8 oylik farzandi bilan yashayotgan bo‘lgan. Marhuma oliy taʼlim muassasasida 3-kursda tahsil olayotgan bo‘lgan. Kursdoshlari u to‘ydan keyin o‘zgarganini aytib, lekin juda tartibli qiz bo‘lganini qayd etgan. Holat Samarqand shahar prokuraturasi tomonidan o‘rganilmoqda.
Izoh (0)