Farg‘onada daraxtlar kesilishi ortidan kelib chiqqan o‘zaro janjal oqibatida bir ayol vafot etgani haqida xabar berilgandi. Holat ombudsman tomonidan nazoratga olinib, uning Farg‘onadagi mintaqaviy vakili tomonidan o‘rganildi.
Aniqlanishicha, joriy yilning 14-fevral kuni fuqaro SH.O. Farg‘ona shahar “Jo‘ydam” MFYda joylashgan ekin yer maydoni chetidagi terak daraxtlarini kestirayotgan vaqtida ushbu yer maydonining sobiq egasi fuqaro U.E. terak daraxtlari unga tegishli ekani xususida janjallashib ketgan
Janjal davomida E.U. fuqaro SH.O.ning bosh qismiga tosh bilan urib, unga tan jarohati yetkazgan. Ko‘rsatilgan birinchi tez-tibbiy yordamga qaramasdan, SH.O. shifoxonada vafot etgan.
Sud tibbiy ekspertizasining dastlabki xulosasiga ko‘ra, SH.O.ning o‘limiga bosh qismidan olgan og‘ir tan jarohatlari sabab bo‘lgani ko‘rsatilgan. Shuningdek, mazkur holat yuzasidan E.U.ga nisbatan Farg‘ona shahar prokuraturasi tomonidan Jinoyat kodeksining 97-moddasi 1-qismi (qasddan odam o‘ldirish) bilan jinoyat ishi qo‘zg‘atilib, qamoqqa olingan.
Ushbu holat ombudsman tomonidan nazoratga olinib, Jinoyat-protsessual kodeksi talablariga ko‘ra ko‘rib chiqilishi bo‘yicha Farg‘ona viloyat prokuraturasiga nazorat xati kiritildi.
Izoh (0)