Agar siz yulduzlarning hayotini muammosiz deb o‘ylasangiz, adashgan bo‘lasiz. Ularning har biri dunyo bo‘ylab mashhurlikka erishish yo‘lida qiyin bosqichlarni boshdan kechirgan. Agar siz ishonchni qozonishni, o‘zingizni sevishni va yangi yutuqlar uchun motivatsiyani qanday topishni o‘rganmoqchi bo‘lsangiz, unda mashhur Gollivud aktyorlarining ushbu avtobiografiyalari sizga albatta yoqadi. Quyidagi hayotiy hikoyalarga asoslangan asarlar har qanday romandan ko‘ra qiziqarli. Bundan tashqari, ular ilhomlanishga, o‘zingizga ishonishga va orzularingizni amalga oshishiga yordam beradi.
Kameron Dias — “Inson tanasi haqida” kitobi
Kameron Dias aktrisalik faoliyatini tugatishga qaror qilganida hammani hayratda qoldirdi. Biroq aynan shu davrda aktrisa “Inson tanasi haqida” kitobini chiqardi. Kameron ushbu kitobda inson o‘zini qanday sevishi kerakligi, tana bergan signallarni tinglashni boshlash haqida gapirgan. Aktrisa o‘zining jismoniy holati bilan ishlash orqali o‘z karyerasida istalgan cho‘qqilarni zabt etishiga va baxtli yashashiga ishonch bildirgan.
“Men o‘n besh yildan beri o‘z tanasining imkoniyatlarini o‘rganayotgan ayolman va men uchun bu tajriba eng hayajonlisi va foydalisidir. Menda bor narsa, men erishgan hamma narsa qandaydir tarzda tana haqidagi bilimlarim bilan bog‘liq. Men ham katta yutuqlarga erishishingizni istayman”, — deydi Dias.
“Boshqa biror narsa” — Dayan Kiton
Dayan Kiton haqli ravishda Gollivudning eng nufuzli aktrisalaridan biri deb hisoblash mumkin. U Frensis Ford Koppola, Vudi Allen va boshqa taniqli rejissorlar bilan yaqin do‘st. U o‘zining tarjimayi holida nafaqat kinodagi karyerasi, balki shaxsiy hayoti haqida ham gapirib bergan. Masalan, aktrisa o‘z asarida ota-onasi bilan qiyin munosabatlari haqida ham yozgan.
“Shunchaki baxtli bo‘ling” — Keyt Hadson
Keyt Hadson Kameron Dias kabi salomatlik va fitnesning ahamiyatiga e’tibor qaratishga qaror qildi. U o‘z asarida ish va uydagi hayotini qanday qilib uyg‘unlashtirishni o‘rgatadi. Shuningdek, aktrisa orzungizdagi tanaga erishishingizga yordam beradigan maslahatlar bilan o‘rtoqlashdi va jarayonning o‘zidan zavqlanishingizni eslatdi.
“O‘zingiz bilan ijobiy munosabat o‘rnatish o‘zingizni hurmat qilish, kamchiliklaringizni qabul qilish va o‘tmishingizni tan olishni anglatadi. Bu sizning kuchli va zaif tomonlaringizni qabul qilish va o‘zingizni qulayroq his qilishga imkon yaratadi. Siz o‘zingizga va qanday inson ekaningizga qarshi kurashmasligingiz kerak”, — deydi Hadson.
“Men baxtliman” — Jeki Chan
Jeki Chan ushbu asarida o‘tmishi haqida so‘z yuritgan. U o‘z tarjimayi holida shon-shuhrat sari yo‘li haqida yozgan. Bu asarni mutolaa qilish orqali siz aktyorning birinchi marta suratga olish maydonchasidagi holatini, uning qanday qilib kaskadyor sifatida ishlay boshlaganini va keyinchalik Gollivudni zabt etishga qaror qilganini bilib olasiz.
Chan o‘z asarida nafaqat karyerasiga e’tibor qaratgan, balki shaxsiy hayoti haqida ham so‘z yuritgan. U kitobda oilasi bilan munosabatlari haqida gapirib, shon-shuhrat va uning hayotiga ta’siri haqida gapirgan. Ushbu kitob orqali siz Jeki Channing o‘zingiz bilmagan tomonlarini kashf etasiz.
“Yashil chiroq”, Mettyu Makkonaxi
“Yashil chiroq” asari “Oskar” mukofoti sovrindori Mettyu Makkonaxiga butunlay boshqa tomondan qarashga yordam beradi.
“O‘ttiz besh yil davomida o‘zimni qiziqtirgan yoki hayot yo‘lida menga yordam bergan narsalarni tushundim, esladim, tan oldim, to‘pladim va yozib oldim”, — deydi aktyor.
Asarda Mettyu kinodagi birinchi qadamlari, yuridik fakultetni tark etish to‘g‘risidagi qarori, otasi bilan bo‘lgan og‘ir munosabatlari, shaxsiy hayoti va romantik roldan ko‘ra, buyuk dramatik aktyor bo‘lishni istagan yigit haqida yozgan.
“Hammasini eslab qoling” — Arnold Shvarsenegger
Arnold Shvarsenegger Avstriyaning kichik shaharchasida tug‘ilgan. Aktyor u yerda mashhurlikka erisha olmasligini tushunib yetadi. Dastlab u eng mashhur bodibilderga aylandi, keyinchalik filmlarda rol o‘ynay boshladi, so‘ngra esa Kaliforniya gubernatori lavozimini egalladi. Ushbu kitobda aktyor hayotining barcha muhim bosqichlarini eslashga qaror qilgan. Aynan shu xotiralar Netflix’ning Arnold haqidagi hujjatli seriali uchun ssenariy bo‘ldi.
“Rejali ayol: Baxtli hayot qoidalari”, Mey Mask
Mey Mask birinchi mag‘lubiyatdan keyin taslim bo‘ladigan ayollardan emas, u 31 yoshida yolg‘iz onaga aylandi va 60 yoshida u modellik faoliyatini boshladi.
Bir vaqtning o‘zida supermodel, diyetolog bo‘lish, uchta farzandni dunyoga keltirish va dunyodagi eng taniqli biznesmen — milliarder o‘g‘ilni qanday tarbiya qilish kerak? Mey Mask tarjimayi holida shu haqda so‘z yuritadi. U Janubiy Afrikada tug‘ilgan va juda ko‘p sayohat qilgan, keyin Kanadaga ko‘chib o‘tgan va muvaffaqiyatli modellik karyerasini qurgan, kosmetika bo‘yicha yetakchi brendlarning reklama roliklarida va Beyonse kliplarida suratga tushgan.
Shu bilan birga, Meyning turmushi havas qilarlik bo‘lmagan — avtobiografiyasida u boshidan kechirgan ko‘plab sinovlarni tasvirlaydi. Shu bilan birga, u ayollarni ilhomlantiruvchi maslahatlar beradi, o‘zingizga e’tibor berishning muhimligi haqida gapiradi va yangi ish boshlashga hech qachon kech bo‘lmasligini eslatadi.
Izoh (0)