Futbol bo‘yicha O‘zbekiston terma jamoasi JCH—2026 saralashi doirasida Gongkongga qarshi bahs olib boradi.
O‘yin oldidan O‘zbekiston terma jamaosi sardori Eldor Shomurodov ham o‘z fikrlari bilan o‘rtoqlashdi.
“Gongkong bilan dastlabki o‘yinda muhim 3 ochkoni qo‘lga kiritdik. Ushbu uchrashuv oson bo‘lmasligini bilardik. Sababi, mezbon jamoa o‘yin o‘tkaziladigan stadionni o‘zgartirdi va g‘alaba qozonish uchun bor imkoniyatini ishga soldi.
Umumiy olib qaraganda, uchrashuv bizning nazoratimiz ostida o‘tdi. Birinchi navbatda murabbiyning sog‘lig‘i juda muhim. Ushbu bahsda murabbiyimiz uchun ham harakat qilamiz”, — deydi hujumchi.
O‘zbekiston va Gongkong terma jamoalari o‘rtasidagi bahs 26-mart sanasida “Bunyodkor” stadionida bo‘lib o‘tadi. Uchrashuv 19:30 da start oladi.
Izoh (0)