Футбол бўйича Ўзбекистон терма жамоаси ЖЧ—2026 саралаши доирасида Гонгконгга қарши баҳс олиб боради.
Ўйин олдидан Ўзбекистон терма жамаоси сардори Элдор Шомуродов ҳам ўз фикрлари билан ўртоқлашди.
“Гонгконг билан дастлабки ўйинда муҳим 3 очкони қўлга киритдик. Ушбу учрашув осон бўлмаслигини билардик. Сабаби, мезбон жамоа ўйин ўтказиладиган стадионни ўзгартирди ва ғалаба қозониш учун бор имкониятини ишга солди.
Умумий олиб қараганда, учрашув бизнинг назоратимиз остида ўтди. Биринчи навбатда мураббийнинг соғлиғи жуда муҳим. Ушбу баҳсда мураббийимиз учун ҳам ҳаракат қиламиз”, — дейди ҳужумчи.
Ўзбекистон ва Гонгконг терма жамоалари ўртасидаги баҳс 26 март санасида “Бунёдкор” стадионида бўлиб ўтади. Учрашув 19:30 да старт олади.
Изоҳ (0)