Madridning “Real” klubi bosh murabbiyi Karlo Anchelotti nima uchun Braziliya terma jamoasini boshqarishdan bosh tortganini tushuntirib berdi.
Madridda o'zimni juda yaxshi his qilyapman. Men bu yerda ekanimdan va “Real Madrid”da ishlayotganimdan xursandman, — deya Anchelotti so‘zlarini keltiradi Sky Sports nashri.
Karlo Anchelotti 2021-yilda “Real Madrid” boshqaruviga kelgan. Italiyalik mutaxassis bungacha ham 2013-yildan 2015-yilgacha “Los Blankos” bilan ishlagan. Uning qo‘l ostida madridliklar Ispaniya chempioni, mamlakat kubogi va Superkubogi g‘olibiga aylangan, shuningdek, ikki marta Chempionlar Ligasida g‘olib bo’lgan.
“Real” Ispaniya Chempionatining birinchi pog‘onasida bormoqda, Karlo Anchelotti jamoasi 29 uchrashuvda 72 ochko to‘plagan.
Izoh (0)