AQSHning Kiyevdagi elchisi Brijit Brink Rossiya Ukraina poytaxtini gipertovushli raketalar bilan nishonga olganini maʼlum qildi. Bu haqda Al Jazeera nashri xabar berdi.
“Kiyevda kuchli portlashlar sodir bo‘ldi. So‘nggi 5 kun ichida Rossiya suveren davlatga qarshi yuzlab raketa va dronlarni uchirdi. Ukraina hozir bizning yordamimizga muhtoj. Yo‘qotadigan bir lahzamiz ham yo‘q”, — deyiladi AQSH rasmiysi xabarida.
Manbada aytilishicha, gipertovushli raketalar Kiyevning strategik muhim nuqtalariga yo‘naltirilgan. Qurbonlar soni va yetkazilgan zarar ko‘lami hali ochiqlanmagan.
Shuningdek, Ukraina hududiga Qrimdan ham raketa hujumi boshlangan. Ukraina havo kuchlari Rossiya tomonidan bosib olingan Qrim yarimoroli tomonidan o‘nlab raketa uchirilishlarini qayd etgan. Raketalardan ikkitasi urib tushirilgan.
Izoh (0)