Isroil armiyasi Livan janubiga fosforli bombalar tashlamoqda — Al Jazeera

Isroil kuchlari Livan janubidagi obyektlarga faol ravishda fosforli bombalar tashlamoqda. Bu haqda Al Jazeera nashri xabar berdi.

Manbada aytilishicha, Bayrutdagi Amerika universiteti atrof-muhit kimyosi tadqiqotchisi Abbos Baalbakiy deyarli olti oy davomida Isroil tomonidan Livan tuprog‘iga tashlangan fosforli xaritalar bilan bog‘liq maʼlumotlarni o‘rganib chiqqan. O‘rganishga ko‘ra, fosfor bombasi qo‘llash bilan bog‘liq 40 ga yaqin holat aniqlangan.

Livan janubiga birinchi fosforli hujum o‘tgan yilning 17-oktyabrida ro‘y bergan. Shu kuni Isroil kuchlari Kfar Kila shahri osmonida fosforli bombalar portlatgan.

Livanga tashlangan oq fosfor, Baalbakiyning fikricha, faol, juda zaharli va yonuvchan bo‘lib, uzoq vaqt davomida saqlanib qoladi. Ushbu kimyoviy element bilan zaharlangan hududning tozalanishi juda qiyin bo‘ladi.

Livan Milliy ilmiy tadqiqotlar kengashi maʼlumotlariga ko‘ra, 6-mart sanasiga qadar Livan janubiga 117 ta fosforli bomba tashlangan. Mart oyi oxiriga kelib bunday turdagi bombalardan foydalanish koeffitsiyenti oshgan.

Manbalar Isroil fosforli bombalardan aholini majburiy ko‘chirish uchun foydalanayotganini aytgan. Chunki bu bomba portlagan hududda nafas olish va 15 daqiqadan ortiq qolishning imkoni yo‘q.