Yagona interaktiv davlat xizmatlari portalida (my.gov.uz) xizmat ko‘rsatish 21–23-mart kunlari vaqtinchalik cheklanadi. Bu haqda Adliya vazirligi matbuot xizmati xabar berdi.
Maʼlum qilinishicha, 21–24-mart kunlari portal joylashgan server qurilmalarini “Raqamli hukumat loyihalarini boshqarish markazi” davlat muassasasining Maʼlumotlarni qayta ishlash markaziga ko‘chirish hamda Soliq qo‘mitasi veb-resurslari faoliyatini optimallashtirish va serverlar imkoniyatlarini kengaytirish ishlari olib boriladi.
Shu munosabati bilan 21-mart soat 21:00 dan 23-mart soat 09:00 ga qadar Davlat xizmatlarini ko‘rsatish tizimi, “Notarius” avtomatlashtirilgan axborot tizimi, Litsenziya va tadbirkorlik subyektlarini davlat ro‘yxatidan o‘tkazish tizimlari orqali xizmat ko‘rsatish imkoniyatlari vaqtinchalik cheklanadi.
Qo‘shimcha maʼlumotlar va savollar bo‘yicha 1008 va 1148 raqamiga murojaat qilish mumkin.
Izoh (0)