O‘zbekistonda 2024-yilning yanvar–fevral oylarida 2,3 mlrd dollar eksport amalga oshirildi. Bu haqda AOKAda o‘tkazilgan brifingda Investitsiyalar, sanoat va savdo vazirligi boshqarma boshlig‘i o‘rinbosari Ogulnur Atayeva maʼlum qildi.
Maʼlum qilinishicha, bunda o‘sish 15 foizni (+300 mln so‘m) tashkil qilgan. Eksport hajmlari o‘sishi to‘qimachilik (519 mln dollar, 3 foiz) meva-sabzavot (150,1 mln dollar, 29 foiz), mineral o‘g‘itlar (29,8 mln dollar, 49 foiz) hamda turizm (280 mln dollar, 11 foiz), transport (228 mln dollar, 37 foiz) va axborot (49,6 mln dollar, 55 foiz) xizmatlariga to‘g‘ri kelgan.
Jumladan, eksportchilar faoliyatini o‘rganish davomida 257 ta muammoli masala aniqlandi va 137 ta muammo hal etilgan. Hozirda 38 ta korxonaning 166,8 mlrd so‘m kredit olish bo‘yicha murojaatlari tijorat banklari tomonidan o‘rganib chiqilmoqda.
Shuningdek, karantin va standartlashtirish bilan bog‘liq 26 ta muammodan 13 tasi hal etildi va 10 tasi o‘rganib chiqilmoqda.
Izoh (0)