Qozog‘iston Majlis deputatlari qarzdorlarning qimor o‘ynash imkoniyatini cheklovchi qonunchilikka o‘zgartirishlar kiritdi. Bu haqda “Orda.kz” xabar berdi.
Qonun loyihasidagi asosiy o‘zgartirishlar quyidagilardan iborat:
- Binolar, bilbordlar, ommaviy axborot vositalari va transport vositalarida totalizator va bukmekerlik faoliyatini reklama qilishni taqiqlash;
- Qarzdorlarning yagona reyestriga kiritilgan fuqarolar uchun qimor o‘yinlarida ishtirok etishni taqiqlash;
- Litsenziyasi bo‘lmagan xorijiy bukmekerlar va totalizatorlarning internet resurslarini taqiqlash va bloklash;
- Qonunni buzgan o‘yin biznesi tashkilotchilari uchun ma’muriy va jinoiy javobgarlikni joriy etish.
Mazkur o‘zgartirishlar qimor biznesi tashkilotchilari uchun oylik hisoblash ko‘rsatkichining 300 dan 1000 baravarigacha jarima shaklida ma’muriy javobgarlikni belgilashni nazarda tutadi.
Izoh (0)