Қозоғистон Мажлис депутатлари қарздорларнинг қимор ўйнаш имкониятини чекловчи қонунчиликка ўзгартиришлар киритди. Бу ҳақда “Орда.кз” хабар берди.
Қонун лойиҳасидаги асосий ўзгартиришлар қуйидагилардан иборат:
- Бинолар, билбордлар, оммавий ахборот воситалари ва транспорт воситаларида тотализатор ва букмекерлик фаолиятини реклама қилишни тақиқлаш;
- Қарздорларнинг ягона реестрига киритилган фуқаролар учун қимор ўйинларида иштирок этишни тақиқлаш;
- Лицензияси бўлмаган хорижий букмекерлар ва тотализаторларнинг интернет ресурсларини тақиқлаш ва блоклаш;
- Қонунни бузган ўйин бизнеси ташкилотчилари учун маъмурий ва жиноий жавобгарликни жорий этиш.
Мазкур ўзгартиришлар қимор бизнеси ташкилотчилари учун ойлик ҳисоблаш кўрсаткичининг 300 дан 1000 бараваригача жарима шаклида маъмурий жавобгарликни белгилашни назарда тутади.
Изоҳ (0)