Тошкент вилояти ИИББ Йўл ҳаракати хавфсизлиги бошқармаси Тошкент туманида жойлашган газ қуйиш шохобчасида юз берган ҳолат юзасидан маълумот берди.
Қайд этилишича, 15 март куни соат тахминан 19:30 ларда Тошкент туманида жойлашган газ қуйиш шохобчасида 40 ёшли Д.Д.га тегишли бўлган “Газ 322132” русумли транспорт воситасига газ тўлдириш вақтида автомашинага ўрнатилган газ баллонининг “трубка”сида чақнаш содир бўлган.
Газ баллонлар бутун ҳолатда портламаган. Газ баллони ҳимоя қопқоғи босим билан чиқиб кетиши оқибатида газ қуйиш шохобчаси том қисми ва транспорт воситасига зарар етган, — дейилади хабарда.
Таъкидланишича, ҳолат натижасида фуқаролар соғлиғига зиён етмаган.
Бундан олдин Навоийда Cobalt газ баллони портлаши оқибатида 3 ёшли бола вафот этгани тўғрисида хабар берилганди.
Изоҳ (0)