Yevropa Chempionlar Ligasida haftaning eng yaxshi o‘yinchisi nomiga da’vogarlar e’lon qilindi

Futbol bo‘yicha Yevropa Chempionlar Ligasida haftaning eng yaxshi futbolchisi bo‘lish uchun nomzodlar e’lon qilindi.

“Atletiko” darvozaboni Yan Oblak “Inter”ga qarshi o‘yinda (2:1, penaltilar seriyasida 3:2) 3 ta seyv amalga oshirdi, shuningdek, penaltilar seriyasida 2 marta to‘pni qaytardi.

“Arsenal” darvozaboni David Rayya “Portu”ga qarshi o‘yinda (1:0, 4:2 penaltilar seriyasida) 3 ta zarbani qaytarishga muvaffaq bo‘ldi va penaltilar seriyasida 2 ta seyv amalga oshirdi.

“Borussiya D” vingeri Jeydon Sancho “PSV”ga qarshi bahsda (2:0) g‘alaba goliga mualliflik qildi.

“Barselona” himoyachisi Pau Kubarsi “Napoli”ga qarshi o‘yinda 9 marta to‘pni olib qo‘ydi, uzatmalar aniqligi — 94%.