Jizzax viloyatida soat 08:40 da shamol va qor ta’sirida 6-10 kVli 5 ta elektr uzatish tarmog‘ida nosozlik yuzaga keldi. Bu haqda Energetika vazirligi matbuot xizmati xabar berdi.
Natijada Sharof Rashidov va Forish tumanlari iste’molchilari qisman (1 ming 600 ta) elektr ta’minotidan uzilgan.
“Hozirgi vaqtda noqulay ob-havo (kuchli shamol va qor) sharoitiga qaramay, maxsus brigadalar tomonidan ushbu nosozliklarni bartaraf etish ishlari olib borilmoqda”, — deyiladi xabarda.
O‘zbekistonda 12-mart kuni elektr energiyasi yetkazib berishda 150 MVt gacha cheklovlar kiritilgani to‘g‘risida xabar berilgandi.
Izoh (0)