Sherzod Rahimov Farg‘ona viloyati hokimining yoshlar siyosati, ijtimoiy rivojlantirish va maʼnaviy-maʼrifiy ishlar bo‘yicha o‘rinbosari etib tayinlandi, deb xabar beradi O‘zA.
Sherzod Rahimov 1984-yilda Quva tumanida tug‘ilgan. 2005-yilda u Farg‘ona davlat universitetini tamomlagan, 2015-yilda Oliy Majlis Qonunchilik palatasi deputatligiga saylangan. Tayinlovga qadar u Oliy Majlis Qonunchilik palatasi Agrar va suv xo‘jaligi masalalari qo‘mitasi aʼzosi bo‘lib faoliyat ko‘rsatib kelgan.
Eslatib o‘tamiz, 2021-yil may oyidan 2023-yil noyabrga qadar Farg‘ona viloyati hokimining o‘rinbosari – viloyat investitsiyalar va tashqi savdo boshqarmasi boshlig‘i bo‘lib faoliyat olib borgan Iqboljon Ergashev prezident qaroriga asosan Ipakchilik va jun sanoatini rivojlantirish qo‘mitasi raisi lavozimiga tayinlangan edi.
Uning o‘rniga esa Tashqi ishlar vazirligi Iqtisodiy diplomatiya va madaniy hamkorlik departamenti direktorining birinchi o‘rinbosari – Xalqaro iqtisodiy tashkilotlar va xalqaro moliya institutlari bilan hamkorlik boshqarmasi boshlig‘i lavozimida ishlab kelgan Nuriddin Mamajonov tayinlangandi.
Izoh (0)