O‘zbekistonda fevral oyida 8 turdagi 1498 o‘ram qalbakilashtirilgan farmatsevtika mahsulotlari aniqlandi. Bu haqda Farmatsevtika mahsulotlari xavfsizligi markazi xabar berdi.
Maʼlum qilinishicha, joriy yilning fevral oyida huquqni muhofaza qilish organlari tomonidan Farmatsevtika mahsulotlari xavfsizligi markaziga tezkor tadbirlarda olingan farmatsevtika mahsulotlarini ekpertizadan o‘tkazish bo‘yicha 206 ta murojaat kelib tushdi. Taqdim qilingan dori vositalari va tibbiy buyumlar o‘rnatilgan tartibda laboratoriya tekshiruvidan o‘tkazilganda, tahlillar natijalariga ko‘ra, noqonuniy muomalada bo‘lgan:
- 5958 o‘ram — davlat ro‘yxatidan o‘tgan va muvofiqlik sertifikati mavjud;
- 4505 o‘ram — davlat ro‘yxatidan o‘tmagan va muvofiqlik sertifikati mavjud bo‘lmagan;
- 300 o‘ram — yorliqlash ko‘rsatkichi bo‘yicha nomuvofiq (kontrafakt);
- 726 o‘ram — yaroqlilik muddati tugagan (sifatsiz);
- 1498 o‘ram — qalbakilashtirilgan;
umumiy 12 987 o‘ram farmatsevtika mahsulotlarining tibbiyot amaliyotida qo‘llash mumkin emasligi yuzasidan xulosa berildi. Hamda ushbu sifatsiz, qalbakilashtirilgan va O‘zbekistonga noqonuniy kirib kelgan farmatsevtika mahsulotlari aylanmasining oldi olindi.
Izoh (1)
78 millionta. bulsayam xalq uni nomini bilmasa nima foyda bu maqoladan .