Qozog‘istonning Olmaota shahrini qor qopladi. 13-martga o‘tar kechasi shaharda yomg‘ir boshlanib, u qorga aylandi. Bu haqda CentralAsia xabar berdi.
Sinoptiklar maʼlumotiga ko‘ra, shaharda 10 santimetr qalinlikda qor yog‘gan. “Qazgidromet” yog‘ingarchilik 13-mart kuni soat 15:00 dan keyin kuzatilmasligini prognoz qilgan. 14-mart kuni ham yomg‘ir aralash qor yog‘ishi kutilmoqda. Harorat kunduzi 4 daraja iliq, kechasi esa 3 daraja sovuq bo‘lishi ma’lum qilingan.
Ma’lumot o‘rnida, 13-mart kuni O‘zbekistonning tog‘li hududlarida havo biroz bulutli bo‘lishi, baʼzi joylarda yog‘ingarchilik (yomg‘ir, qor) kuzatilishi mumkin. Qor ko‘chish xavfi ham bor.
Izoh (0)