Қозоғистоннинг Олмаота шаҳрини қор қоплади. 13 мартга ўтар кечаси шаҳарда ёмғир бошланиб, у қорга айланди. Бу ҳақда CentralАsia хабар берди.
Синоптиклар маълумотига кўра, шаҳарда 10 сантиметр қалинликда қор ёғган. “Қазгидромет” ёғингарчилик 13 март куни соат 15:00 дан кейин кузатилмаслигини прогноз қилган. 14 март куни ҳам ёмғир аралаш қор ёғиши кутилмоқда. Ҳарорат кундузи 4 даража илиқ, кечаси эса 3 даража совуқ бўлиши маълум қилинган.
Маълумот ўрнида, 13 март куни Ўзбекистоннинг тоғли ҳудудларида ҳаво бир оз булутли бўлиши, баъзи жойларда ёғингарчилик (ёмғир, қор) кузатилиши мумкин. Қор кўчиш хавфи ҳам бор.