65 yoshli amerikalik xonanda va aktrisa Madonna nogironlik aravachasidagi tomoshabindan turishni so‘ragani uchun uzr aytdi. Bu haqda “Pravila jizni” nashri xabar bermoqda.
Los-Anjelesdagi konserti davomida xonanda zaldagi tomoshabinlarga murojaat qildi:
Men bilan yuring! Nega o‘tiribsiz? Raqsga tushmaysizmi? — deya Madonna o‘tirgan tomoshabinlardan biriga gapirdi.
Tez orada san’atkor nima bo‘lganini tushundi va undan kechirim so‘radi:
Yaxshi, siyosiy jihatdan bu noto‘g‘ri, buning uchun uzr so‘rayman. Konsertga kelganingizdan xursandman, — dedi u nogironlik aravachasidagi muxlisiga.
Internetda ushbu voqeaning videosi paydo bo‘ldi:
Madonna Los-Anjelesda “Celebration” nomli Amerika bo‘ylab konsert turlarini o‘tkazamoqda. So‘ngra xonanda janubiy shtatlarda konsert berishi rejalashtirilgan.
Izoh (0)