Ғарбда хип-хоп ижрочилари миллион, ҳатто миллиардлаб даромад эгаси ҳисобланади. Ижоди ва шахсий бизнеси ортидан бадавлат бўлишга муваффақ бўлган рэперлар кимлар эканига тўхталиб ўтамиз.
Канье Уэст
Узоқ вақт давомида Forbes’нинг миллиардерлар рўйхатига киришда даъвогар бўлган Ким Кардашяннинг собиқ турмуш ўртоғи фақат ижодидан тирикчилик қилмайди. Унга қарашли Yeezy бренди бор. Мазкур бренд кроссовкалари етарлича машҳурликка эришиб, Nike сингари йирик брендларга рақобатчи бўлишга улгурган. Рэпер даромадини фарзандлари, машиналар ва дунёга машҳур дизайнерлар томонидан лойиҳалаштирилган ҳашаматли кўчмас мулкка сарфлайди.
Жай-З
Бруклиннинг камбағал туманларидан бирида вояга етган рэпер хип-хопдан миллиард доллар даромад кўрган илк ижодкор саналади. У 50 миллион долларлик кўчмас мулк ва 70 миллион долларлик санъат буюмларига эгалик қилади. Бундан ташқари унга қарашли баскетбол клуби ҳам мавжуд. Бу ҳали ҳаммаси эмас, Жай-З шампан виноси ва мусиқий сервис бизнеси билан ҳам шуғулланади. Бундан ташқари у мусиқий стартапларга ҳам инвестиция киритади.
Дрейк
Рэпер қимматбаҳо автомашиналар, бир қанча ҳашаматли уйларнинг эгаси ҳисобланади. Дрейк 100 миллион доллардан қимматроққа олинган уйида қўшиқларидан бири учун клип ҳам суратга олдирган.
Эминем
2000 йилларнинг энг талабгир, қўшиқлари хит бўлган афсонавий рэпернинг молиявий аҳволи 100 миллион долларни ташкил қилади. Ижодкорга қарашли радиостанция, лейбл, либослар бренди, кинокомпания ва хайрия фонди бор.
Kарди Б
Кардининг молиявий аҳволи 82 миллион долларга баҳоланган. У таниқли рэперлардан бири Offset билан турмуш қурган. Турмуш ўртоғи Карди ва қизига қимматбаҳо совғалар, масалан, Porsche машинасини туҳфа қилишни яхши кўради. Қизиғи шундаки, машиналари кўп эканига қарамай, Кардининг ҳайдовчилик гувоҳномаси йўқ.
Изоҳ (0)