AQSHning janubi-g‘arbiy Luiziana fermasida 28-fevral kuni noyob buzoqcha tug‘ildi. Jonivor ikki yuz, to‘rt ko‘z, ikkita burun, ikkita og‘iz va ikkita quloq bilan dunyoga kelgan. Bu haqda Associated Press xabar berdi.
-u9ZEqDgV.jpg)
Breaux Farms MChJ fermasi egalarining aytishicha, quloqlari orqasidan odatiy ko‘rinadigan buzoq “Deux Face” (ikki yuzli) deb nomlangan.
Ushbu turdagi tug‘ilish ehtimoli 400 milliondan 1 ga teng. Bilamizki, bu kabi buzoqchalar qisqa umr ko‘radi va ehtimol bir necha kun yashaydi. U tirik tug‘ilishi bilan ko‘p qiyinchiliklarni yengdi, — dedi Erik va Davn Breyuks Facebook’dagi postida.
Polisefaliya (birdan ortiq boshli) mavjud bo‘lgan buzoqlarning aksariyati o‘lik tug‘iladi. Ayrimlari bir necha soat yoki kun yashaydi. Ripleyning “Ishoning yoki ishonmang!” kitobida tirik qolgan eng keksa ikki yuzli buzoq 40 kun yashagani yozilgan.
Deux Face bir nechta veterinar shifokorlar va Breyukslar nazorati ostida sekin rivojlanmoqda, — deyiladi xabarda.
Buzoq sotilmaydi. Yangi postlarda Breyukslar buzoqning xavfsizligi, uning farovonligi va shaxsiy hayoti uchun hech qanday tashrif buyuruvchilar yoki fotosuratlarga ruxsat bermasliklarini aytgan.
U azob chekayotganga yoki og‘riyotganga o‘xshamaydi. Biz uni doimiy ravishda kuzatib boryapmiz. U ko‘p qiyinchiliklarni yengdi, ammo uning taqdirini faqat vaqt ko‘rsatadi. Biz eng yaxshisiga umid qilamiz, — deydi Breyukslar Facebook’dagi postida.
Izoh (0)