АҚШдаги фермада икки юзли бузоқча туғилди (видео)

АҚШнинг жануби-ғарбий Луизиана фермасида 28 февраль куни ноёб бузоқча туғилди. Жонивор икки юз, тўрт кўз, иккита бурун, иккита оғиз ва иккита қулоқ билан дунёга келган. Бу ҳақда Associated Press хабар берди.

Breaux Farms МЧЖ фермаси эгаларининг айтишича, қулоқлари орқасидан одатий кўринадиган бузоқ “Deux Face” (икки юзли) деб номланган.

Ушбу турдаги туғилиш эҳтимоли 400 миллиондан 1 га тенг. Биламизки, бу каби бузоқчалар қисқа умр кўради ва эҳтимол бир неча кун яшайди. У тирик туғилиши билан кўп қийинчиликларни енгди, — деди Эрик ва Давн Бреюкс Facebook’даги постида.

Полисефалия (бирдан ортиқ бошли) мавжуд бўлган бузоқларнинг аксарияти ўлик туғилади. Айримлари бир неча соат ёки кун яшайди. Риплейнинг “Ишонинг ёки ишонманг!” китобида тирик қолган энг кекса икки юзли бузоқ 40 кун яшагани ёзилган.

Deux Face бир нечта ветеринар шифокорлар ва Бреюкслар назорати остида секин ривожланмоқда, — дейилади хабарда.

Бузоқ сотилмайди. Янги постларда Бреюкслар бузоқнинг хавфсизлиги, унинг фаровонлиги ва шахсий ҳаёти учун ҳеч қандай ташриф буюрувчилар ёки фотосуратларга рухсат бермасликларини айтган. 

У азоб чекаётганга ёки оғриётганга ўхшамайди. Биз уни доимий равишда кузатиб боряпмиз. У кўп қийинчиликларни енгди, аммо унинг тақдирини фақат вақт кўрсатади. Биз энг яхшисига умид қиламиз, — дейди Бреюкслар Facebook’даги постида.