O‘zbekiston investitsiyalar, sanoat va savdo vaziri Laziz Qudratov 7-mart kuni Osiyo infratuzilmaviy investitsiyalar banki (OIIB) vitse-prezidenti Lyudger Shuknext bilan uchrashuv o‘tkazdi. Bu haqda vazirlik matbuot xizmati xabar berdi.
Suhbat chog‘ida O‘zbekiston prezidentining yanvar oyida OIIB bosh qarorgohiga tashrifidan so‘ng sezilarli darajada faollashgan OIIB va O‘zbekiston o‘rtasidagi ikki tomonlama munosabatlarning rivojlanish dinamikasi qayd etilgan.
Tashrif yakunlari bo‘yicha 2024—2026-yillarda O‘zbekiston va OIIB o‘rtasida umumiy qiymati 2,5 mlrd dollarlik qo‘shma loyihalarni moliyalashtirish bo‘yicha hamkorlik dasturi hamda OIIB Boshqaruv kengashining yillik yig‘ilishini 2024-yil 25—26-sentyabr kunlari Samarqand shahrida o‘tkazish to‘g‘risidagi memorandum imzolangan.
Tomonlar loyihalarning amalga oshirilishi, shuningdek, 2024—2026-yillarga mo‘ljallangan hamkorlik dasturiga kiritilgan energetika, qishloq xo‘jaligi, transport, sog‘liqni saqlash va suv taʼminoti sohalarida yangi tashabbuslarni birgalikda hayotga tatbiq qilish istiqbollarini ko‘rib chiqdi.
OIIB Boshqaruvchilar kengashining 2024-yilda Samarqand shahrida o‘tkaziladigan 9 yillik yig‘ilishiga tayyorgarlik ko‘rish masalalari alohida muhokama qilingan. Turli mamlakatlarda roadshou va taqdimotlar tashkil etish, tadbirning tashkiliy va mazmuniga doir masalalari bo‘yicha qo‘shma “Yo‘l xaritasi”ni ishlab chiqish rejalashtirilgan.
Izoh (0)