O‘zbekistonning BMT bo‘limi va boshqa xalqaro tashkilotlardagi yangi doimiy vakili Eldiyor Toshmatov Jenevaga tashrif buyurdi va o‘z vazifalarini bajarishga kirishdi. Bu haqda “Dunyo” AA xabar berdi.
Maʼlum qilinishicha, Jenevaga tayinlanganiga qadar u O‘zbekiston Oliy Majlisi Senati raisi kotibiyati mudiri lavozimida ishlab kelayotgan edi.
Eldiyor Toshmatov mehnat faoliyatini O‘zbekiston Tashqi iqtisodiy aloqalar vazirligida (hozirgi Investitsiyalar, sanoat va savdo vazirligi) boshlagan. 2008-yilda TIVda attashelikdan boshlab O‘zbekistonning Jenevadagi Doimiy vakolatxonasi maslahatchisigacha bo‘lgan yo‘lni bosib o‘tgan.
2017-2019-yillarda tashqi ishlar vaziri yordamchisi, uning kotibiyati rahbari, keyinchalik TIVning tashkiliy-nazorat boshqarmasi boshlig‘i lavozimlarida faoliyat olib borgan. 2022-yildan buyon O‘zbekiston Oliy Majlisi Senati raisi kotibiyatiga rahbarlik qilib kelayotgan edi.
Eldiyor Toshmatov Jenevada 2023-yil avgustidan buyon mamlakatimizning BMTning Nyu-Yorkdagi doimiy vakolatxonasiga rahbarlik qilib kelayotgan Ulug‘bek Lapasov o‘rniga tayinlandi.
Izoh (0)