Eron telekommunikatsiya vaziri Iso Zarepurning maʼlum qilishicha 1-mart kuni mamlakatda parlament saylovlari bo‘lib o‘tayotgan bir paytda, Eron aloqa infratuzilmasini yakson qilish uchun 20 dan ortiq qo‘poruvchilik harakatlari sodir etishga urinilgan. Maxsus xizmatlar barcha hujumlarning oldini olgan. Bu haqda IRNA nashri xabar berdi.
Xabarda aytilishicha, hujumlar butun mamlakat bo‘ylab muhim aloqa tarmoqlariga nisbatan tashkil etilishi rejalashtirilgan bo‘lgan. Harbiy tashkilotlarning voqealar haqida oldindan maʼlumotga ega bo‘lganligi tezlikda ishlash hamda hujum sodir etilmasdan oldin uni bartaraf etishga imkon bergan.
Oldinroq Eron hukumati mamlakat bo‘ylab maxsus operatsiya chog‘ida 30 dan ortiq terroristik hujumlar oldi olingani haqida xabar bergan edi. Eron harbiy rahbariyati bergan maʼlumotga ko‘ra, ushbu operatsiyada diniy-ekstremistik guruhlar tomonidan yollangan 28 nafar fuqaro hibsga olingan.
Izoh (0)