Qo‘shma Shtatlar Tehronni yakkalab qo‘yish uchun butun Yaqin Sharq mintaqasi bo‘ylab eronofobiyani yoyishga uringan, biroq uning barcha harakatlari chippakka chiqqan. Eron prezidenti Ibrohim Raisiy ushbu bayonotni berdi. Bu haqda arab manbalarida tarqalgan xabarlarga asoslanib, TASS xabar berdi.
Raisiy so‘zlariga ko‘ra, Eronning dushmanlari, xususan, amerikaliklar doimiy ravishda mamlakatlarda Erondan qo‘rqish hissini yuzaga keltirishga va arab mamlakatlarini Isroilga yaqinlashtirishga urinadi. Biroq bu siyosat to‘la halokatga uchragan. Xorij Eronni izolyatsiya qilishga uringan va buni uddalay olmagan. Bugun mamlakat mintaqaviy, mintaqalararo va xalqaro miqyosdagi platformalarda har qachongidan ham kengroq namoyon bo‘lmoqda
Eronning yadroviy dasturi haqidagi mavzuga to‘xtalgan Ibrohim Raisiy Yevropaliklar va amerikaliklarning muammolari Eron ishlab chiqayotgan yadro bombalari bilan emas, balki Eronning o‘zi bilan bog‘liq ekanligini aytgan.
Raisiyga ko‘ra, Eron atom energiyasidan faqat tinch maqsadlarda foydalanadi. Hozircha bu yo‘nalishdan chetga chiqish haqida reja yo‘q. Biroq atom energiyasi bo‘yicha xalqaro agentlik (MAGATE) Eron atom sanoatini doimiy kuzatib bormoqda va bu borada o‘z rahbariyatiga allaqachon 15-marta hisobot bergan. Tehrondagi hukumat rahbari esa qayta-qayta Erondagi yadro sanoati sof tinch xarakterga ega ekanligini taʼkidlamoqda.
Izoh (0)