Eron sudi Amerikaning Advantage Sweet tankerida tashilgan neftni musodara qilish bo‘yicha qaror qabul qildi, deya xabar bermoqda Tasnim News.
“Sud jarayoni va prokuraturaning ushbu ish bo‘yicha saʼy-harakatlaridan so‘ng, Eron sudi Advantage Sweet tankeri Fors ko‘rfazida olib ketayotgan neftni hibsga olish to‘g‘risida order berdi”, — deyiladi agentlik xabarida.
Eron Marshall orollari bayrog‘i ostida suzib yurgan bu tankerni 2023-yil bahorida hibsga olgan, shundan so‘ng u Bandar Abbos portiga olib ketilgandi.
Tanker bortida 19 nafar ekipaj aʼzosi bo‘lgan, ulardan 18 nafari Filippin va bir nafari Gretsiya fuqarosi bo‘lgan.
Izoh (0)