Қўшма Штатлар Теҳронни яккалаб қўйиш учун бутун Яқин Шарқ минтақаси бўйлаб эронофобияни ёйишга уринган, бироқ унинг барча ҳаракатлари чиппакка чиққан. Эрон президенти Иброҳим Раисий ушбу баёнотни берди. Бу ҳақда араб манбаларида тарқалган хабарларга асосланиб, ТАСС хабар берди.
Раисий сўзларига кўра, Эроннинг душманлари, хусусан, америкаликлар доимий равишда мамлакатларда Эрондан қўрқиш ҳиссини юзага келтиришга ва араб мамлакатларини Исроилга яқинлаштиришга уринади. Бироқ бу сиёсат тўла ҳалокатга учраган. Хориж Эронни изоляция қилишга уринган ва буни уддалай олмаган. Бугун мамлакат минтақавий, минтақалараро ва халқаро миқёсдаги платформаларда ҳар қачонгидан ҳам кенгроқ намоён бўлмоқда
Эроннинг ядровий дастури ҳақидаги мавзуга тўхталган Иброҳим Раисий eвропаликлар ва америкаликларнинг муаммолари Эрон ишлаб чиқаётган ядро бомбалари билан эмас, балки Эроннинг ўзи билан боғлиқ эканлигини айтган.
Раисийга кўра, Эрон атом энергиясидан фақат тинч мақсадларда фойдаланади. Ҳозирча бу йўналишдан четга чиқиш ҳақида режа йўқ. Бироқ атом энергияси бўйича халқаро агентлик (МАGATЭ) Эрон атом саноатини доимий кузатиб бормоқда ва бу борада ўз раҳбариятига аллақачон 15 марта ҳисобот берган. Теҳрондаги ҳукумат раҳбари эса қайта-қайта Эрондаги ядро саноати соф тинч характерга эга эканлигини таъкидламоқда.
Изоҳ (0)