TAURUS қанотли ракеталарини ишлаб чиқарувчи TAURUS Systemқ компаниясининг 67 фоиз улушига эга бўлган МBDА Deutschland ўз мутахассислари Украина армиясини ушбу турдаги қурол билан ишлаш бўйича ўқитишга тайёрлигини тасдиқлади. Бу ҳақда Deutsche Welle хабар берди.
Биз мижозларимизга TAURUS ракеталари билан ишлаш техникасини ўргатишимиз мумкин. Бизнинг мижозимиз, жумладан, Украина ракетани мустақил равишда бошқариш учун барча техник кўникмаларга эга бўлади. Ракетани мамлакатларга сотиш сиёсий қарор, — деди 5 март куни МBDА Deutschland раҳбари Томас Готтшильд.
Шу билан бирга, Бавария бош вазири Маркус Зёдер Готтшильд билан қўшма нутқи чоғида Германия ҳукуматини Украинага TAURUS ракеталарини етказиб бериш бўйича келишиб олишга чақирган.
TAURUS қанотли ракеталари ишлаб чиқарувчига кўра, 500 км ҳаракат радиусига эга. Улар бир нечта навигация тизимлари билан жиҳозланган ва нишонга зарба беришда аниқлиги билан ажралиб туради. Самолёт ишлаб чиқарувчи Airbus, Британиянинг BАE Systems компанияси, шунингдек, Италиянинг Леонардо концерни МBDА’да улушга эга. TAURUS Systems компанияси МBDА концернининг Германиядаги шўба корхонаси ҳисобланади. Швециянинг SAAB Dynamics AB мудофаа концерни ҳам TAURUS Systems компаниясида 33 фоиз улушга эга.
Изоҳ (0)