Kanadaning Vankuver shahridan Londonga uchayotgan Air Canada aviakompaniyasining Boeing 777-300 yo‘lovchi samolyotini chaqmoq urdi. Bu haqda CBC xabar berdi.
Samolyot Kanada xalqaro aeroportidan momaqaldiroq paytida havoga ko‘tarilayotganda yashin urgan. Parvozni tasvirga olayotgan voqea guvohi tasodifan uni videoga muhrlagan. Favqulodda vaziyat 3-mart kuni sodir bo‘lgan, biroq chaqmoq urgan tasvirlar endi tarqalmoqda. Samolyot bortida 550 nafar yo‘lovchi bo‘lgan, hodisa oqibatida hech kim jabrlanmagan.
Boeing 777-300 hodisa oqibatida Londonga parvozini davom ettirgan.
“Mahalliy uchuvchining so‘zlariga ko‘ra, avialaynerga o‘rnatilgan maxsus chaqmoqni o‘chirish tizimi tufayli fojianing oldi olindi”, — deyiladi xabarda.
Izoh (0)