Berlin Ukrainaga uzoq masofaga uchadigan Taurus qanotli raketalarini yetkazib berish bo‘yicha o‘z pozitsiyasini o‘zgartirishga tayyor emas, dedi Germaniya hukumati vakili Shteffen Xebstreyt.
“Biz hali Ukrainaga Taurus raketalarini yetkazib berishga qaror qilganimiz yo‘q, biroq vaziyatning rivojlanishini diqqat bilan kuzatib boryapmiz”, — dedi u jurnalistning nemis rasmiylari Kiyevga ba’zi qurol va o‘q-dorilarni yetkazib berishdan bosh tortgani haqidagi savoliga javob bera turib.
Eslatib o‘tamiz, avvalroq Ukraina prezidenti Vladimir Zelenskiy The Economist nashriga bergan intervyusida G‘arbdan Qrim ko‘prigini vayron qilish va yarimorolni Rossiyadan ajratib qo‘yish uchun Germaniyaning Taurus raketalarini taqdim etishni so‘raganini aytgandi.
Siyosatchining fikricha, Ukraina Qurolli kuchlari muvaffaqiyati Kiyevning G‘arb hamkorlaridan oladigan harbiy yordamiga bog‘liq bo‘ladi.
Izoh (0)