“Buyuk Britaniya Rossiyaning muzlatilgan aktivlarini Ukrainaga berishga tayyor” — Devid Kemeron

Buyuk Britaniya Ukrainaga Rossiya markaziy bankining mamlakatdagi muzlatilgan barcha aktivlarini berishga tayyor. Chunki Rossiya urush tugaganidan keyin Kiyevga tovon puli to‘lashga majbur bo‘ladi. Bu haqda Britaniya tashqi ishlar vaziri Devid Kemeron ma’lum qildi, deb yozadi The Guardian.

“Ukrainaliklarga bu pulni berish uchun garov sifatida Rossiyaning muzlatilgan aktivlaridan foydalanadigan sindikatlangan kredit yoki obligatsiyalar kabi biror narsadan foydalanish imkoniyati mavjud, chunki biz Rossiya uni baribir reparatsiya sifatida to‘lab berishini bilamiz.

Bu eng yaxshi yo‘l bo‘lishi mumkin. Biz bu masalada G7 va YIning maksimal birligiga erishishga harakat qilmoqdamiz, biroq agar birlik bo‘lmasa, biz bunday choralarni ko‘rmoqchi bo‘lgan ittifoqchilar bilan muzokaralarni davom ettirishga majbur bo‘lamiz”, — dedi vazir.

Unga ko‘ra, aktivlar reparatsiya to‘lash uchun kafolat sifatida ishlatiladi. Shuningdek, Kemeron obligatsiya rejasi London obro‘siga putur yetkazishiga ishonmasligini ham ma’lum qildi.

Agar AQSH Kongressi Ukrainaga yordamni bloklashda davom etsa, bu reja Ukraina uchun, ayniqsa, foydali bo‘ladi, chunki bu qurol sotib olish va byudjet taqchilligini moliyalashtirish uchun yangi mablag‘ manbasini ta’minlaydi, deb hisoblamoqda Kemeron.