Baxtiyor Saidov Buyuk Britaniyaning tashqi ishlar, hamdo‘stlik va taraqqiyot masalalari bo‘yicha davlat kotibi etib tayinlangan Devid Kemeron bilan uchrashdi.
Uchrashuvda O‘zbekiston—Birlashgan Qirollik hamkorligining asosiy yo‘nalishlari muhokama qilingan. Suhbat chog‘ida ikki tomonlama munosabatlarni barcha sohalarda mustahkamlash borasida kelgusidagi sa’y-harakatlar, savdo-iqtisodiy aloqalarni rivojlantirish bo‘yicha takliflar ham ko‘rib chiqilgan.
Buyuk Britaniya sobiq bosh vaziri Devid Kemeron noyabr oyining o‘rtalarida mamlakat tashqi ishlar vaziri etib tayinlangandi.
O‘zbekiston TIV rahbari Baxtiyor Saidov Devid Kemeron bilan Shimoliy Makedoniya poytaxti Skopye shahrida bo‘lib o‘tayotgan Yevropada xavfsizlik va hamkorlik tashkiloti Vazirlar kengashining 30-yig‘ilishi doirasida uchrashdi.
Izoh (0)