Jizzax viloyatida “Sog‘lom hayot” maxsus profilaktik tadbiri doirasida axloq va sog‘liq doirasidagi huquqbuzarliklarga qarshi kurashish hamda uning oldini olishga qaratilgan targ‘ibotlar bilan birga tezkor tadbirlar ham o‘tkazilmoqda. Bu haqda viloyat IIB axborot xizmati xabar berdi.
Qayd etilishicha, Ichki ishlar vazirligi tezkor qidiruv departamenti hamda Jizzax viloyati IIB tezkor qidiruv xizmati jinoyat qidiruv boshqarmasi xodimlarining hamkorligidagi tadbirda qurol sotuvchi aniqlangan.
Tadbir davomida Baxmal tumani “Oyqor” MFYda yashovchi 1991-yilda tug‘ilgan A.Q. “Toz” rusumli ov qurolini 1 million 240 ming so‘mga sotgan vaqtida protsessual tartibda ushlangan. Hozirda qonunbuzarlik yuzasidan tergovga qadar tekshiruv olib borilmoqda.
Avvalroq “Yallama” chegara bojxona post xodimlari tomonidan O‘zbekistonda faoliyat olib borayotgan masʼuliyati cheklangan jamiyatlardan birining nomiga kuryerlik jo‘natmalari bojxona nazoratidan o‘tkazilganida uning ichidan pnevmatik to‘pponcha chiqqani to‘g‘risida xabar berilgandi.
Izoh (0)