Toshkent shahar IIBB va boshqa huquqni muhofaza qiluvchi organlar hamkorligidagi giyohvandlikka qarshi kurashish yo‘nalishida tezkor tadbirlar davom etmoqda, deb xabar berdi poytaxt IIBB axborot xizmati.
2024-yilning 24-fevral kuni Mirobod tumanida o‘zini shubhali tutgan, 1991-yilda tug‘ilgan Korniyenko Georgiy Valeryevich tekshirilganda yonidan 21 dona o‘ramdagi gashish va “Mefedron” giyohvandlik vositalari borligi aniqlanib, ashyoviy dalil sifatida rasmiylashtirib olingan.
Shuningdek, 28-fevral kuni soat 22:20 larda Yangihayot tumanida o‘zini shubhali tutgan 2001-yilda tug‘ilgan Ilyosov Samandar Rustam o‘g‘li va 2001-yilda tug‘ilgan Baxtiyorov Jamshidbek Sherzod o‘g‘li to‘xtatib, xolislar ishtirokida tekshirilganda yonidan 2 dona o‘ramda bo‘lgan “Mefedron” giyohvandlik vositasi aniqlangan.
Tekshiruv jarayonida ushbu fuqarolar yana bir nechta joyda giyohvandlik vositalarini yashirishganligini maʼlum qilgan va xolislar ishtirokida jami 18 dona yashirilgan giyohvandlik vositalari aniqlanib, ashyoviy dalil sifatida rasmiylashtirib olingan.
Mazkur holatlar yuzasidan Jinoyat kodeksining 273-moddasi 5-qismi bilan (giyohvandlik vositalari, ularning analoglari yoki psixotrop moddalarni o‘tkazish maqsadini ko‘zlab qonunga xilof ravishda tayyorlash, olish, saqlash va boshqa harakatlar qilish, shuningdek ularni qonunga xilof ravishda o‘tkazish, giyohvandlik vositalari, ularning analoglari yoki psixotrop moddalarni ko‘p miqdorda qonunga xilof ravishda sotish) jinoyat ishi qo‘zg‘atilib, tergov harakatlari davom etmoqda. Tergov yakuni bo‘yicha qonuniy qaror qabul qilinishi taʼminlanadi.
Izoh (0)