Toshkentda 2023-yilda qasddan badanga og‘ir va o‘rtacha og‘irlikda jarohat yetkazish jinoyati 2022-yildagiga nisbatan 293 tadan 308 taga, nomusga tegish jinoyati 10 tadan 15 taga, giyohvandlik vositalari bilan bog‘liq jinoyatlar esa 1218 tadan 1309 taga, ya’ni 91 taga ortgan. Bu haqda Jinoyat ishlari bo‘yicha Toshkent shahar sudlari binosida bo‘lib o‘tgan matbuot anjumanida ma’lum qilindi.
Aniqlashtirilishicha, 2023-yilda qasddan odam o‘ldirish bilan bog‘liq jinoyat 47 tadan 40 taga, bosqinchilik bilan bog‘liq jinoyat 125 tadan 111 taga, talonchilik 451 tadan 253 taga, o‘zlashtirish yoki rastrata yo‘li bilan talon-toroj qilish 523 tadan 481 taga, o‘g‘rilik 1529 tadan 1288 taga, pora olish, berish, vositachilik qilish jinoyati esa 251 tadan 216 taga, harakat xavfsizligi qoidalarini buzish 357 tadan 314 taga, transport vositalarini olib qochish 75 tadan 63 taga, bezorilik 506 tadan 437 taga kamaygan.
Jinoyat ishlari bo‘yicha Toshkent shahar sudlari tomonidan 2023-yil davomida 11 ming 156 nafar shaxsga nisbatan 9231 ta jinoyat ishi ko‘rib chiqilgan.
Izoh (0)