Humo Air aviakompaniyasi 10-martdan reyslarni vaqtinchalik to‘xtatmoqda. Bu haqda aviakompaniya axborot xizmati xabar berdi.
Maʼlum qilinishicha, 1-martdan 10-martgacha aviakompaniyaning parvozlar jadvaliga o‘zgartirishlar kiritilgan, 10-martdan keyingi parvozlar vaqtincha to‘xtatiladi.
Qayd etilishicha, aviakompaniya yaqin va uzoq xorijdagi manzillarga xalqaro yo‘nalishlarni ochishga hozirlanmoqda. Barcha sotilgan chiptalar avtomatik ravishda bekor qilinadi va mablag‘lar qaytariladi.
Humo Air vakiliga ko‘ra, 2024-yil aprel oyida aviakompaniya xalqaro yo‘nalishlarni ochadi va aviachiptalar narxini minimal darajada ushlab turadi.
Izoh (0)