Humo Air 2022-yilni 5,53 mlrd so‘m zarar bilan yakunladi. Bu Davlat aktivlarini boshqarish agentligi ma’lumotlarida qayd etilgan.
2022-yilning birinchi yarmida kompaniyaning zarari 80,2 mln so‘mni tashkil etgan edi. Shundan so‘ng, olti oy ichida kompaniya yana 5,45 mlrd so‘m zarar ko‘rgan.
Shunday qilib, ikkinchi yarim yillikda Humo Air zarari qariyb 70 barobarga ko‘paygan.
Taqqoslash uchun, aviakompaniya 2021-yilni 2,1 mlrd so‘m sof foyda bilan yakunlagan edi.
2022-yilda kompaniyaning daromadi 7,2 milliard so‘m bo‘lgan. Bu 2021-yilga nisbatan 3,5 mlrd so‘mga kam.
O‘tgan yilda aviakompaniya xizmatlarning tannarxi 12 milliard so‘m, xarajatlari esa 2,6 milliard so‘mni tashkil etdi. Bu ko‘rsatkichlar 2021-yilga nisbatan mos ravishda 3,9 milliard va 697 million so‘mga ko‘p.
Humo Air 2020-yilda “Maxsus aviatsiya ishlari bo‘yicha aviakompaniya” davlat unitar korxonasi mulki negizida tashkil etilgan.
Avvalroq Humo Air Shveysariya kompaniyasiga sotilgani haqida xabar berilgan edi.
Izoh (0)