Toshkent shahrida yo‘lovchi qizga shilqimlik qilgan haydovchiga sud hukmi o‘qildi. Bu haqda “Millar” dasturida xabar berildi.
Keltirilishicha, 10-fevral kuni taxminan 19:30 da yo‘lovchi sifatida taksiga chiqqan qizga haydovchi turli shahvoniy so‘zlar bilan shilqimlik qilgan. Sudda huquqbuzarning aybi jabrlanuvchining arizasi, bildirgi, tushuntirish xatlari, sudga bergan ko‘rsatuvlari va ish hujjatlarida mavjud bo‘lgan boshqa hujjatlar bilan o‘z tasdig‘ini topgan.
Sud Oliy sudi Plenumining “Sudlar tomonidan ma’muriy huquqbuzarlik to‘g‘risidagi ishlarni ko‘rishni tartibga soluvchi qonunlarni qo‘llashning ayrim masalalari to‘g‘risidagi” qarori talablariga rioya qilgan Ma’muriy javobgarlik to‘g‘risidagi kodeksning 41-1 moddasi birinchi qismi sanksiyasida nazarda tutilgan ma’muriy qamoq jazosini tayinladi. Shunga asosan ayblanuvchi 5 sutkaga qamaldi.
Izoh (0)